சன் டேன், பிக்மண்டேஷன் நிறைய இருக்கா? இதோ செலவே இல்லாம சூப்பர் தீர்வு

சருமம் மென்மையாகவும் க்ளியர் சருமமாகவும் இருக்க வேண்டும் என்று தான் எல்லோருமே விரும்புவோம். ஆனால் மாசுக்கள், எண்ணெய்ச்சத்துக்கள் நிறைந்த கொழுப்பு உணவுகள், ரசாயனம் சேர்த்த பொருள்களை பயன்படுத்துவது, சூரியக் கதிர்வீச்சின் விளைவாக உண்டாகிற புறஊதா கதிர்களின் தாக்கத்தால் ஏற்படும் சன் டேன் போன்றவை சருமத்தை பாதித்து பிக்மண்டேஷனை உண்டாக்கும். இத்தகைய பிக்மண்டேஷனை போக்க வீட்டிலுள்ள பொருள்களை எப்படி பயன்படுத்தலாம் என்று இந்த தொகுப்பில் பார்க்கலாம்.

முகத்துக்கு பேஸ்பேக் பயன்படுத்தும் பழக்கம் நம் எல்லோருக்குமே இருக்கும். ஆனால் சருமத்திலுள்ள என்ன பிரச்சினைக்கு என்ன மாதிரியன பொருள்களைத் தேர்வு செய்ய வேண்டும் என்பதில் தான் குழப்பம் இருக்கிறது. இதை சரியாகத் தேர்வு செய்தாலே நம்முடைய சருமத்திலுள்ள கரும்புள்ளிகள் மற்றும் பிக்மண்டேஷனைப் போக்க முடியும். அவை என்னென்ன என்று பார்க்கலாம்.

காபி, தேங்காய் எண்ணெய் சர்க்கரை ஸ்கிரப்

தேவையான பொருள்கள்

காபி பொடி - 2 ஸ்பூன்
தேங்காய் எண்ணெய் - 1 ஸ்பூன்
சர்க்கரை - 1 ஸ்பூன்

பயன்படுத்தும் முறை

ஒரு பௌலில் காபி பவுடர், தேங்காய் எண்ணெய் மற்றும் சர்க்கரை மூன்றையும் ஒன்றாகச் சேர்த்துக் கொள்ளுங்கள்.

முகத்தை நன்கு கழுவிக் கொண்டு இந்த கலவையை முகத்தில் அப்ளை செய்யுங்கள்.

கை விரல்களால் நன்கு வட்ட வடிவில் மசாஜ் செய்து விடுங்கள். பிக்மண்டேஷன் உள்ள இடங்களில் கொஞ்சம் லேசாக நன்கு மசாஜ் செய்யுங்கள்.

இதை அடிக்கடி செய்யக்கூடாது. வாரத்திற்கு இரண்டு முறை செய்தால் போதும். இந்த ஸ்கிரப் சருமத்தில் உள்ள அதிகப்படியான பிக்மண்டேஷனை போக்குவதோடு சருமத்தை நன்கு பளபளப்பாகவும் மாற்றும்.

மசூர் பருப்பு - பால் பேஸ்பேக்

தேவையான பொருள்கள்

மசூர் பருப்பு - 3 ஸ்பூன்

பால் - கால் கப்

மஞ்சள் தூள் - கால் ஸ்பூன்

பயன்படுத்தும் முறை

ஒரு பாத்திரத்தில் பாலை ஊற்றி அதில் மசூர் பருப்பை சேர்த்து இரவு முழுவதும் ஊற வைத்து விடுங்கள்.

பிறகு காலையில் அந்த பருப்பை மீதமுள்ள பாலுடன் சேர்த்து நன்கு பிளண்டரில் சேர்த்து மஞ்சளும் சேர்த்து அரைத்துக் கொள்ளுங்கள்.

இந்த கலவையை முகத்தில் அப்ளை செய்து 20 நிமிடங்கள் அப்படியே வி்ட்டு விடுங்கள். பிறகு தண்ணீர் தொட்டு லேசாக ஸ்கிரப் செய்து விடுங்கள். பிறகு குளிர்ந்த நீரில் முகத்தைக் கழுவிக் கொள்ளலாம்.

பப்பாளி ஃபேஸ் பேக்

தேவையான பொருள்கள்

பப்பாளி கூழ் - 3 ஸ்பூன் அளவு
தக்காளி சாறு - 1 ஸ்பூன்
வெள்ளரிக்காய் சாறு - 1 ஸ்பூன்

பயன்படுத்தும் முறை

பப்பாளி கூழுடன் வெள்ளரிக்காய் மற்றும் தக்காளி சாறு சேர்த்து நன்கு கலந்து கொள்ளுங்கள்.

இதை முகத்தில் அப்ளை செய்து 20 நிமிடங்கள் வரை வைத்திருந்து நன்கு உலர்ந்ததும் குளிர்ந்த நீரால் கழுவலாம்.

பப்பாளியில் உள்ள எக்ஸ்ஃபோலியேட் பண்புகளும் வெள்ளரிக்காய் மற்றும் தக்காளியில் உள்ள ப்ளீச்சிங் பண்புகளும் சருமத்திலுள்ள கருமை மற்றும் பிக்மண்டேஷனைப் போக்கி சருமத்தைப் பொலிவாக வைத்துக் கொள்ள உதவி செய்கிறது.

தக்காளி மற்றும் வெள்ளரிக்காயில் உள்ள ஆன்டிஆக்ஸிடன்ட்டுகள் சருமத்தை பளபளப்பாக வைத்துக் கொள்ள உதவுகிறது..

கடலைமாவு - தயிர் பேஸ்பேக்

தேவையான பொருள்கள்

கடலை மாவு - 4 ஸ்பூன்

மஞ்சள் - அரை ஸ்பூன்

தயிர் - 2 ஸ்பூன்

தேன் - 1 ஸ்பூன்

பயன்படுத்தும் விதம்

ஒரு பௌலில் கடலை மாவை சேர்த்து அதனுடன் தயிர், மஞ்சள் மற்றும் தேன் சேர்த்து நன்கு ஸ்மூத்தான பேஸ்ட்டாக கலந்து கொள்ளுங்கள்.

இதை முகத்தில் அப்ளை செய்து அரை மணி நேரம் அப்படியே விட்டு விடுங்கள். பிறகு குளிர்ந்த நீரால் முகத்தைக் கழுவிக் கொள்ளலாம்.

கடலை மாவு, தயிர் இரண்டுமே சருமத்துக்கு நல்ல மாய்ஸ்ச்சரைஸராகச் செயல்படும். சருமத்தில் உள்ள அழுக்குகள் மற்றும் இறந்த செல்கள் நீக்கப்பட்டு சருமம் பொலிவடையும்.

எலுமிச்சை - தேன் பேஸ்பேக்

தேவையான பொருள்கள்

எலுமிச்சை சாறு - 2 ஸ்பூன்
தேன் - 1 ஸ்பூன்

பயன்படுத்தும் முறை

எலுமிச்சை சாறில் தேன் கலந்து அதை முகத்தில் அப்ளை செய்து 15 நிமிடங்கள் வைத்திருந்து அதன் பின் குளிர்ச்சியான நீரால் முகத்தைக் கழுவிக் கொள்ளலாம்.

தேன் சருமத்துக்கு நல்ல மாய்ஸ்ச்சரைஸராகச் செயல்பட்டு சருமத்தை ஸ்மூத்தாக வைத்துக் கொள்ள உதவி செய்யும்.

அதேபோல எலுமிச்சை சாறில் உள்ள ப்ளீச்சிங் பண்புகள் சருமத்திலுள்ள கருமை, கரும்புள்ளிகள், சன் டேன், பிக்மண்டேஷன் ஆகியவற்றை நீக்கும் வேலையைச் செய்கிறது.