கரும்புள்ளிகளை தடுப்பது சாத்தியமில்லை. ஆனால் நல்ல சுத்திகரிப்பு பழக்கவழக்கங்கள், வாழ்க்கை முறைகள் இயற்கை வைத்தியங்கள் போன்றவற்றின் மூலம் அதை அகற்றவும் குறைக்கவும் முடியும்.
கரும்புள்ளைகள் ப்ளாக்ஹெட்ஸ் என்பது முகத்தை மட்டுமல்ல சமயங்களில் இது உடலையும் பாதிக்கும். இவை இறந்த சரும செல்கள், பாக்டீரியா மற்றும் பிற பொருள்களை கொண்ட எண்ணெய் சுரப்புகளை குறிக்கின்றன. பெண்களை காட்டிலும் ஆண்களிடம் இது அதிகமாக பார்க்கலாம். இதற்கு என்ன காரணம் இதை எப்படி போக்குவது என்பது குறித்து இப்போது பார்க்கலாம்.
கரும்புள்ளிகள் என்றால் என்ன?
இறந்த சரும செல்கள் மற்றும் நுண் துளையின் உள்ளே எண்ணெய் அதிகரித்து தோலின் மேற்பரப்பில் தள்ளும் போது கரும்புள்ளிகள் சிறந்த ஆதாரமாக உள்ளது. இவை காற்றுடன் தொடர்பு கொள்ளும் போது ஆக்ஸிஜனேற்றப்பட்டு கருப்பு நிறமாக மாறி ப்ளக்கை உருவாக்குகின்றன. இவை காமெடோன்கள் என்று மருத்துவர்கள் அழைக்கின்றனர். தீவிரமாக இருப்பவர்களுக்கு எண்ணெய் சுரப்பி இருக்கும் உடைப்பை செய்வார்கள். இதன் மூலம் கரும்புள்ளி தடுக்கப்படும்.
கரும்புள்ளிகளுக்கு என்ன காரணம்?
மயிர்க்கால்கள் விரிவடைந்து எண்ணெய் மற்றும் இறந்த சரும செல்களால் அடைக்கப்படும் போது கரும்புள்ளிகள் உருவாகின்றன. ஹார்மோன் மாற்றங்கள், வாழ்க்கை முறை பழக்கவழக்கங்கள், உணவு முறை மற்றும் தோல் பராமரிப்பு போன்ற காரணிகள் அனைத்தும் அதிகரித்த சரும உற்பத்தியின் மூலம் இதை உருவாக்குகின்றன.
கரும்புள்ளிகள் இருப்பது பெரும்பாலும் செபாசியஸ் சுரப்பிகள் அதிக செறிவு உள்ள பகுதிகளில் அதிகமாக காணப்படுகிறது. கன்னங்கள் மூக்கு பகுதியில் டிஜோன் என்றழைக்கப்படும் இவை பதின்ம வயதினர் மற்றும் பெரியவர்களிடம் அதிகம் பார்க்கலாம். இந்த ப்ளாக்ஜெட்ஸ் நீங்க என்ன செய்யலாம் என்பதை பார்க்கலாம்.
சாலிசிலிக் அமிலம் கரும்புள்ளிகளை போக்குமா?
சாலிசிலிக் அமிலம் ஃபேஸ் வாஷ் பயன்படுத்தப்படும் போது இது கரும்புள்ளைகளை போக்க சிறந்த எக்ஸ்ஃபோலியேட்டராக செயல்படுகிறது. இறந்த சரும செல்களை ஸ்க்ரப் செய்வதற்கு பதிலாக அதை கரைக்க செய்கிறது.
இது கெமிக்கல் எக்ஸ்ஃபோலியெட்டர் என்றாலும் ஃபேஸ் வாஷ் உடன் சிறிதளவு இதை பயன்படுத்தலாம். ஆண்கள் சரும பராமரிப்பு நிபுணருடன் கலந்தாலோசித்து இதை உறுதி செய்துகொள்ளலாம்.
பேக்கிங் சோடா கரும்புள்ளிகளை போக்குமா?
பேக்கிங் சோடா வீட்டில் இருக்க கூடிய பொருள். இது பூஞ்சை எதிர்ப்பு மற்றும் பாக்டீரியா எதிர்ப்பு பண்புகள் கொண்டவை. இவை இறந்த சரும செல்களுக்கு எதிராக செயல்படுவதோடு பிஹெச் சமநிலையை பராமரிக்கிறது. இது அதிகப்படியான எண்ணெயை அகற்றவும் துளைகளை வெளியேற்றவும் செய்கிறது. அழுக்கு, மாசு, இறந்த சரும செல்கள் போன்றவற்றிலிருந்து உங்கள் முகத்தை சுத்தம் செய்ய இது சிறந்த வழியும் கூட.
முகத்துக்கு சீரம் பயன்படுத்துவது கரும்புள்ளியை போக்க செய்யுமா?
முகத்துக்கு சீரம் சருமத்தின் இயற்கையான எதிர்ப்பு சக்தியை வலுப்படுத்த செய்கிறது. இதன் மூலம் நமது சருமம் அசுத்தங்களோடு போராடும். மாய்சுரைசர் அல்லது சன்ஸ்க்ரீன் பயன்படுத்துவதற்கு முன்பு முகத்தில் சீரம் தடவவும். கரும்புள்ளிகள் உருவாவதை தவிர்க்க சீரம் பயன்படுத்துவதை தவிர்க்காதீர்கள்.
ஃபேஸ் ஸ்க்ரப் செய்வதன் மூலம் கரும்புள்ளி குறையுமா?
ஸ்க்ரப் மூலம் எக்ஸ்ஃபோலியேட் செய்வது அவசியம். இவை சருமத்தின் இறந்த சரும செல்கள், அழுக்கு மற்றும் எண்ணெய் ஆகியவற்றை அகற்ற செய்கிறது. இவை அனைத்தும் கரும்புள்ளிகளுக்கும் முக்கிய காரணங்கள். இது சருமத்தை மிதுவாக மாற்றும் . ஸ்க்ரப்பிங் செய்வது கரும்புள்ளி நீக்கும் என்றாலும் அதிகமாக ஸ்க்ரப்பிங் செய்வது சருமத்துக்கு நல்லதல்ல, ஆனால் ஸ்க்ரப்பிங் அதிகம் பயன்படுத்தக்கூடாது. இந்த ஃபேஷியல் எக்ஸ்ஃபொலியெட்களை அரிதாக பயன்படுத்த வேண்டும் என்பது குறிப்பிடத்தக்கது.
ஆக்டிவேட்டட் சார்கோல் கரும்புள்ளி நீக்க உதவுமா?
ஆக்டிவேட்டட் சார்கோல் என்னும் கரி சருமத்தை உரிக்க செய்பவை. இது சருமத்தில் இருக்கும் அழுக்குகளை நீக்கி , சருமத்தின் இயற்கையான எண்ணெய்களை பராமரிக்க செய்யும். ஆக்டிவேட்டட் சார்கோல் மாத்திரை வடிவில் கடைகளில் கிடைக்கிறது. சரும பராமரிப்பு மருத்துவ நிபுணர்களின் ஆலோசனை படி பயன்படுத்துவது பாதுகாப்பானது.
கரும்புள்ளி வராமல் தடுக்க என்ன செய்வது?
எழுந்ததும் முதலில் வியர்வை நீங்க முகத்தை கழுவுங்கள்.
விரல் நுனியை கொண்டு க்ளீனர்களை தோலில் மெதுவாக மசாஜ் செய்ய்யுங்கள்.
சருமத்தை எரிச்சலடைய செய்யும் ஸ்கரப்பிங் பயன்படுத்த வேண்டாம்.
ஆல்கஹால் இல்லாத தோல் தயாரிப்புகள் பயன்படுத்துவது நன்மை அளிக்கும்.
முகப்பரு மருந்துகள் சருமத்தை யுவி கதிர்களுக்கு அதிக உணர்திறன் கொண்டதாக மாற்றும் என்பதால் நேரடி சூரிய ஒளியை தவிர்ப்பது நல்லது.
முடி எண்ணெய் பசையாக இருந்தால் ஷாம்பு கொண்டு பயன்படுத்துங்கள்.
வெற்று கைகளால் முகத்தை அடிக்கடி தொட வேண்டாம். கரும்புள்ளிகளை கிள்ளவோ, அழுத்தவோ கூடாது.
ஆரோக்கியமான வாழ்க்கை முறை, உணவு முறை இரண்டுமே சரும ஆரோக்கியத்தை மேம்படுத்தும்.