சருமம் எண்ணெய் பசையாக இருந்தாலும் கலவையான சருமமாக இருந்தாலும் தோல் பராமரிப்பு முறையில் ஈரப்பதம் முக்கியமானது. சருமத்துக்கு பயன்படுத்தக்கூடிய முக்கிய எண்ணெய்கள் வறண்ட சருமத்துக்கு ஈரப்பதம் அளிக்கும். மேலும் சில வயதான அறிகுறிகளை தாமதப்படுத்தவும் செய்யும். அப்படியான எண்ணெய்கள் என்ன, எப்படி பயன்படுத்துவது என்பதை இந்த கட்டுரையில் தெரிந்துகொள்வோம்.
சருமத்துக்கு ஹைட்ரேட் அளிக்க எண்ணெய்கள் வந்துவிட்டது. இது முகத்தில் எண்ணெய் தேக்க செய்யாது. எண்ணெயை இல்லாமலும் செய்யாது. ஏனெனில் எண்ணெய்கள் இயற்கையாகவே பாலிபினால்கள், கொழுப்பு அமிலங்கள் மற்றும் ஆண்டி ஆக்ஸிடண்ட்கள் போன்ற நல்ல பொருள்களால் நிறைந்துள்ளன. இது வீக்கத்தை குறைக்க உதவுவதோடு சருமத்துக்கு ஈரப்பதமும் அளிக்கின்றன. சரும சிவப்பை விரட்ட என்றில்லை இயற்கையாகவே சருமம் நீரேற்றமாக இருக்க இந்த எண்ணெய்களை பயன்படுத்தலாம்.
தேங்காயெண்ணெய் சருமத்துக்கு எப்படி பயன்படுத்துவது?
தேங்காயெண்ணெய் உணவு முதல் கூந்தல் பராமரிப்பு வரை அனைத்திலும் பயன்படுத்தும் ஆரோக்கியமான எண்ணெய். காலங்காலமாக இவை பயன்படுத்தப்பட்டு வருவது குறிப்பிடத்தக்கது.
தேங்காயெண்ணெயில் வைட்டமின் ஈ நிறைந்துள்ளது. இது மாய்சுரைசராக பயன்படுத்தலாம். கொழுப்பு அமிலங்கள் நிறைந்திருப்பதால் சருமத்தில் ஒரு வகையான தடையாக செயல்படுகிறது. சருமத்துக்கு ஈரப்பதத்தை அளிக்கிறது. இயற்கையாக தோல் மற்றும் முடி பகுதியிலிருக்கும் பாக்டீரியா எதிர்ப்பு மற்றும் பூஞ்சை எதிர்ப்பு பண்புகளை கொண்டுள்ளது.
தேங்காயெண்ணெய் சுத்தமானதாக இருக்கட்டும். அறை வெப்பநிலையில் வைத்து மூன்று துளி இதை சேர்த்து முகத்தில் மென்மையாக பயன்படுத்தலாம். இது கனமாக இருக்கும் என்பது குறிப்பிடத்தக்கது.
ஜோஜாபா எண்ணெய் சருமத்துக்கு எப்படி பயன்படுத்துவது?
வட அமெரிக்காவை சேர்ந்த தாவரங்களிலிருந்து பிரித்தெடுக்கப்படும் எண்ணெய் ஜோஜாபா எண்ணெய். இது சரும தடிப்புத்தோல் முதல் முகப்பரு வரையான பிரச்சனைகளை தீர்க்கும். சூரிய ஒளியில் இருந்து எரியும் சருமத்துக்கு இவை பயன்படுத்தப்படுகிறது. இது ஜோஜாபா எண்ணெய் என்று அழைத்தாலும் இது தாவரங்களின் சாறு. இது திரவ மெழுகு எஸ்டர்களை கொண்டுள்ளது. ஜோஜோபா எண்ணெய் மனித சருமத்துக்கு ஏற்றதாக உள்ளது.
ஜோஜோபா எண்ணெய் சரும அமைப்பை போன்று இருப்பதால் சருமம் எண்ணெய் உற்பத்தி பொறுத்து இது பிரதிபலிக்க செய்யும். அதே போன்று சருமத்தில் இருக்கும் முகப்பருவை அகற்றவும் செய்யும். இது ஊட்டச்சத்துக்கள் மற்றும் தாதுக்களால் ஆனது. நாள் முழுவதும் சருமத்தை ஈரப்பதமாக வைக்க இவை உதவும்.
சில துளி எண்ணெய் எடுத்து காலை அல்லது இரவில் சருமத்தில் பயன்படுத்தலாம். உணர்திறன் வாய்ந்த சருமம் உள்ளவர்கள் பாடிலோஷனுக்கு இதை பயன்படுத்தலாம். உச்சந்தலை ஆரோக்கியத்துக்கும் இந்த எண்ணெய் ஏற்றது.
ரோஸ்ஷிப் விதை எண்ணெய் சருமத்துக்கு எப்படி பயன்படுத்துவது?
தோல் ஊட்ட்மளிக்க சிறந்த சக்தி வாய்ந்த எண்ணெய் என்றால் அது ரோஸ் ஷிப் விதை எண்ணெய். ஒரு குறிப்பிட்ட ரோஜா வகையின் விதைகளிலிருந்து பிரித்தெடுக்கப்படும் இந்த எண்ணெய் அத்தியாவசிய கொழுப்பு அமிலங்கள் நிறைந்துள்ளன. இதில் வைட்டமின்கள் ஈ, சி, டி மற்றும் பீட்டா கரோட்டின் உள்ளன. இது சருமத்தை பாதுகாக்கவும், ஹைட்ரேட் செய்யவும், ஃப்ரீ ரேடிக்கல் சேதத்தை எதிர்த்து போராடவும் செய்யும். சரும சுருக்கங்களை நீக்கவும் செய்யும். குறிப்பாக கரும்புள்ளிகளை சரி செய்யவும், தழும்புகளின் தோற்றத்தை குறைக்கவும் செய்யும்.
இது உலர்ந்த எண்ணெய் என்பதால் தோலில் எளிதில் ஊறவைக்கலாம். மற்ற எண்ணெய்கள் மற்றும் லோஷன்களுடன் இணைந்து தீவிர மாய்சுரைசிங் ஆக பயன்படுத்தப்படலாம்.
ஆர்கன் எண்ணெய் சருமத்துக்கு எப்படி பயன்படுத்துவது?
மொரோக்கோ ஆர்கன் மரத்தின் கொட்டைகளிலிருந்து பிரித்தெடுக்கப்பட்ட இந்த எண்ணெய் அனைத்து தோல் வகைகளுக்கும் ஏற்ற சூப்பர் மாய்சுரைசர்.
இந்த ஆர்கன் எண்ணெயில் வைட்டமின் ஈ, ஆக்ஸிஜனேற்றிகள் மற்றும் அத்தியாவசிய கொழுப்பு அமிலங்கள் நிரம்பியுள்ளன. இது க்ரீஸ் இல்லாத மாய்சுரைசராக பயன்படுத்தும் வகையில் இலேசானது. அதனால் கடுமையான தோல் நிலைகள் உள்ளவர்கள் கூட இதை சிகிச்சையளிக்க பயன்படுத்தலாம். இவை சருமத்தில் ஃப்ரீ ரேடிக்கல் சேதம் தவிர்க்க செய்து சருமத்தை பிரகாசமாக்குகிறது.
வறண்ட சருமம், அதிக எண்ணெய் பசை சருமம் கொண்டவர்கள் எண்ணெய் உற்பத்தியை கட்டுப்படுத்த இவை உதவும். இதை தினசரி மேக்கப் கீழ் இரவு நேரங்களில் தோல் சீரமைப்புக்கு பயன்படுத்தலாம். சருமம் போன்று உலர்ந்த முடி மற்றும் நகங்களில் பயன்படுத்தவும் ஏற்றது.
மருலா எண்ணெய் சருமத்துக்கு எப்படி பயன்படுத்துவது?
ஆப்பிரிக்க மருலா பழத்தின் கொட்டையிலிருந்து அறுவடை செய்யப்பட்ட இந்த எண்ணெய் அழகுப்படுத்தும் பண்புகளை கொண்டுள்ளது. இந்த எண்ணெய் வறட்சியை மட்டும் அல்ல, எரிச்சல் மற்றும் வீக்கத்தையும் குறைக்கும்.
மருலா எண்ணெய் கொழுப்பு அமிலங்கள் நிறைந்துள்ளன மற்றும் மற்ற எண்ணெய்கள் விட 60% அதிக ஆக்ஸிஜனேற்றங்களை கொண்டிருப்பதாக சொல்லப்படுகிறது. வயதான மற்றும் சூரிய சேதத்துக்கு எதிராக சக்திவாய்ந்த திறனை கொண்டுள்ளது. இந்த எண்ணெய் ஆண்டிமைக்ரோபியல் பண்புகளை உள்ளடக்கியுள்ளதால் இது எரிச்சலூட்டும் அல்லது முகப்பரு பாதிப்புக்கு ஆளான சருமத்துக்கு நன்மை செய்கிறது.
இந்த மருலா எண்ணெய் தொல், முடி மற்றும் நகங்களில் பயன்படுத்தலாம். மேக்-அப் கீழ் பயன்படுத்தலாம்.
சருமத்துக்கு எண்ணெய் பயன்படுத்துவதற்கு முன்பு எந்த காரணங்களுக்காக எண்ணெய் பயன்படுத்துகிறீர்கள் என்பதை மருத்துவரிடம் ஆலோசித்து பிறகு சரியான முறையில் பயன்படுத்தினால் நன்மை செய்யும்.