குடல் புழுக்களை அழிக்கும் பாகற்காய் சட்னி

 பாகற்காய் சாறு ரத்தத்தில் சர்க்கரையின் அளவைக் குறைக்கும் திறன் கொண்டது. பாகற்காயை வதக்கிச் சாப்பிட்டாலும், ஆவியில் வேக வைத்து சாப்பிட்டாலும் சத்துக்கள் முழுமையாக கிடைக்கும்.

பாகற்காய் சட்னி

தேவையான பொருட்கள்

பாகற்காய் - 150 கிராம்
முழு உளுந்து - 2 டேபிள் ஸ்பூன்
தனியா - 1 டேபிள் ஸ்பூன்
சீரகம் - 1 டேபிள் ஸ்பூன்
காய்ந்த மிளகாய் - 6
புளி மற்றும் வெல்லம் - சிறிதளவு
எண்ணெய் மற்றும் உப்பு - தேவையான அளவு

தாளிக்க

கடுகு, உளுந்தம் பருப்பு - தலா 1 டீஸ்பூன்
கடலை பருப்பு - 1 டேபிள் ஸ்பூன்

கறிவேப்பிலை - சிறிதளவு

செய்முறை

விதையை நீக்கி பாகற்காயை நறுக்கி கொள்ளவும்.

வாணலியில் எண்ணெய் விட்டு சூடானதும் உளுந்து, தனியா, சீரகம், காய்ந்த மிளகாய் போட்டு வதக்கவும்.

பின் பாகற்காயை சேர்த்து வதக்கி ஆறவிடவும்.

வதக்கிய பொருட்களுடன் புளி, வெல்லம் சேர்த்து தண்ணீர் விட்டு கெட்டியாக அரைத்து கொள்ளவும்.

அத்துடன் கடுகு, உளுந்தம் பருப்பு, கடலை பருப்பு, கறிவேப்பிலை ஆகியவற்றை தாளித்து சேர்த்து பரிமாறவும்.

பாகற்காய் சட்னி ரெடி.